Fflydoedd a Cherbydau
Rydym yn awgrymu eich bod chi’n codi’r ffôn a chysylltu gyda ni yn gyntaf
01492 544797 Neu 07940 230664
Car a Cheffyl
Gallai ychwanegu hers car a cheffyl at yr angladd feithrin ymdeimlad o achlysur ar gyfer y teuluoedd hynny sy’n ffarwelio â’u hanwyliaid. Gallwn naill ai ddarparu pâr o geffylau neu dîm o geffylau i dynnu car du neu wyn, yn dibynnu ar eich gofynion chi.
Hersiau Beic Modur a Char Ochr
Mae ein holl gerbydau angladd fel pin mewn papur gyda manylion proffesiynol sy’n sicrhau y byddwn ni’n cynnig moethusrwydd heb ei ail drwy gydol y gwasanaeth angladd a thaith heddychlon, esmwyth ac urddasol wrth inni eich cludo.
Rydym yn ymdrechu hyd eithaf ein gallu i sicrhau bod y gwasanaeth angladd mor bersonol â phosibl. Os ydych chi’n feiciwr modur, pa ffordd orau o ffarwelio na gyda hers beic modur.
Hers Land Rover Defender
Ein nod ydy cynnig cymorth angladd gofalgar a phersonol ynghyd â gwasanaeth o’r radd flaenaf, cymhwysedd o’r safon uchaf, cwrteisi, tosturi a phroffesiynoldeb.
Fel trefnwyr angladdau, rydym yn ymdrechu hyd eithaf ein gallu i ddarparu gwasanaethau parchus gan ddefnyddio cerbydau unigryw a sicrhau ein bod yn rhagori ar ddisgwyliadau pob teulu rydym ni’n eu gwasanaethu.
Mae’r cerbydau Land Rover clasurol rydym ni’n eu cynnig yn cynrychioli’r ffordd o fyw iwtilitaraidd yn yr awyr agored y mae sawl un yn ei fwynhau. Mae’r Land Rover clasurol yn un maint llawn, mewn lliw du traddodiadol, gyda dec hers wedi’i wneud yn arbennig a chanddo orffeniadau a gosodiadau crôm a rheilen dorch traddodiadol ar ben y to.
At hyn, gallwch logi Land Rover gwyrdd clasurol gyda chwe sedd ar gyfer galarwyr. Gallwch ddefnyddio hwn fel dec hers maint llawn, a chanddo orffeniadau a gosodiadau crôm yn ogystal â rheilen dorch traddodiadol.
Beth ddylech chi ei wneud pan fo rhywun yn marw
Byddwn yn eich helpu pob cam o’r ffordd drwy gofrestru’r farwolaeth, trafod y goblygiadau os ydy’r crwner ynghlwm â’r angladd ac ateb unrhyw gwestiynau eraill sydd gennych chi. Mae gennym ni drefnydd angladdau ar gael i siarad gyda theuluoedd unrhyw bryd. Gan y byddwn ni’n ymgymryd â’r rhan helaeth o’r baich, bydd cyfle ichi hel eich meddyliau at eich gilydd a pharatoi am y dyddiau sydd ar droed.